– scheen bisch do!
D Bumpernissli sin e glaini Pfyffer- und Tambouregrubbe wo d Fasnacht ohni Stress und Cortège, aber maischtens mit Sujet - es ka aber au emool Charivari sy - gniesse. Es git uns in däre Form sit em 2003.
Mir sin uf dr Gass vom Fasnachtsmäntig 04:00 bis am Donnschtigmorge 04:00 (Wenn s Wätter am Donnschtig mitspielt).
Mir dringge wenig Alkohol - mir wänn unser Repertoir, es isch eher ambitioniert, au am Donnschtig Morge am Vieri no suuber spiele.
Mir mache e Fasnachtsbummel, maischtens am 2. Sunntig nach em Morgestraich.
Mir iebe ai Mool pro Wuche am Zyschtig Oobe in eme glaine, gmietete Lokal in der Innerstadt, intensiv erscht nach de Summerferie.
Mir sueche Lyt, wo gärn mit Freud ambitioniert vordrabe, drummle oder pfyffe - im Momänt vor allem Mensche mit Piccolo.
Bi uns hänn alli wo derzuepasse e Plätzli – aber du muesch uns - und mir dy welle...
Jo, mir wisse: ES ISCH NIT AIFACH (wirf e Bligg uffs Repertoir) – aber villicht lohnt sich s, emool aazbebberle...
INTRÄSSE? Schryb is doch via Kontaggtformular!
